Қазақстан

Филип Моррис Қазақстан (ФМҚ) ЖШС - ның парақшасына қош келдіңіз. ФМҚ тарихы 1993 жылы «Алматы Темекі Компаниясы» АҚ-ның акцияларын сатып алудан бастау алады. ФМҚ Алматы облысында орналасқан заманауи өндірістік кешеніне ие. Бүгінде ФМҚ Қазақстан мен басқа Орталық Азия елдері тұтынушылары үшін көптеген халықаралық темекі маркаларын өндіріп, экспорттайды.

Компанияның бренд портфелі MARLBORO, Parliament, L&M, BOND STREET, Lark, Muratti, ҚАЗАҚСТАН және ПОЛЕТ сынды  халықаралық және жергілікті темекі маркаларынан тұрады.

Филип Моррис Қазақстан компаниясында 700-ден астам адам жұмыс істейді. ФМҚ жергілікті жұмыскерлердің біліктілігін арттыруына ерекше көңіл бөледі. Компания өз жұмыскерлерінің кәсіби дамуына 16 миллионнан астам АҚШ долларын бөлді. Жыл сайын ФМИ-дің шетелдегі компанияларында жоғары лауазымды қызметтерге ие болатын қазақстандықтардың саны артуда.

Біздің Қазақстандағы қайырымдылық бағдарламаларымыз, ең алдымен, ауылдық аймақтарда тұратын халықтың өмірін жақсартуға, күрделі әлеуметтік мәселелерді шешуге және әлеуметтік тұрғыдан әлсіз топтарды қолдауға бағытталады. Сонымен бірге, ФМҚ Алматы облысы Еңбекшіқазақ ауданы фермерлеріне оқыту бағдарламалары арқылы агробизнесті дамыту жобасына қолдау көрсетуде. 20 жылдан астам уақыт ішінде ФМҚ 8 миллион АҚШ долларынан астам қаржыны қайырымдылық жобаларға бағыттады.